Digicel, Bacardi i Polar ta Presenta “Jazz Under The Stars"

On saturday 1 september 2007, there's in hofi di Sentro Kultural Korsou presents a big Jazz concert, where will be presentations of some great talented musician from Curaçao, each with their own group. The second performance is from Konkie Halmeyer on his steelpans. Currently Konkie is on a tour in Costa Rica which means that we can espect from him a great presentation. Konkie will perform with his own group and his intention is also to present some of his pieces from his CD ''Bari di Klabu''.

Digicel, Bacardi i Polar ta Presenta “Jazz Under The Stars"

By Boletin di Prensa Jazz Under The Stars
Original posted: Jul 20, 2007 00:43 UTC
Source: http://news.caribseek.com/Curacao/article_52715.shtml

WILLEMSTAD - Riba djasabra 1 di sèptèmber 2007, hòfi di Sentro Kultural Kòrsou lo ta esenario pa un grandioso konsierto di Jazz, den kua lo tin presentashon di algun di nos gran talentonan musikal, kada unu kompañá pa nan propio agrupashon.

“Jazz Under the Stars" lo bira un anochi yená ku muzik, den un ambiente tropikal, kaminda e públiko amante di bon muzik lo por bai disfrutá di 3 diferente estilo, konsiderando ku kada un di e artistanan ku lo presentá, ta speshalisá riba sierto instrumento spesífiko. E programa di e anochi aki lo kuminsá 8’or di anochi.

Promé riba programá lo tin Jean Jacques Rojer riba kitara. Jean Jacques lo presenta huntu ku su trio i alabes lo kompañá e konosido artista vokalista Tony Worrel, kende lo bai deleitá e públiko kantando algun piesa. E di dos artista di e anochi lo ta Konkie Halmijer riba “steelpan". Konkie aktualmente ta den un gira na Costa Rica, loke ta nifiká ku nos lo por spera di un gran presentashon di dje. Konkie lo presentá tambe ku su mes agrupashon i ta e intenshon pa e presentá algun di su piesanan ku ta aparesé riba su CD titulá “Barí di Klabu".

Un di nos gran kompositor i areglista, Gregory Colina lo sera e programa di e anochi aki. Gregory lo presentá ku su ensemble Cro Cro Gre Gre. Ta trata di mesun agrupashon ku kua Gregory a graba un CD i tambe mesun agrupashon ku a kaba di presentá fin di siman pasá na Los Angeles California, kaminda nan tabatin un tremendo presentashon. Dia 1 di sèptèmber pueblo di Kòrsou lo tin e oportunidat úniko pa skucha e agrupashonnan aki bibu i disfrutá di un bunita konsierto di nos artistanan lokal.

Di kon e konsierto aki di “Jazz Under The Stars"
Hopi hende lo puntra di kon e konsierto aki di “Jazz Under the Stars". Despues ku e konsierto anual di Curacao Jazz Foundation (CJF) no a sigui mas den luna di mei 2007, hopi amante di Jazz a keda ku e gana di mira, skucha i disfrutá di e dushi muzik i ambiente ku sa tin normal durante e konsiertonan di CJF.

Esaki a insentivá Mediadotcom N.V. pa presentá un programa di jazz, den kua e públiko por mira nos artistanan tòp riba esenario i di mes sera konosí ku nan i disfrutá di nan muzik. A skohé tambe konsientemente pa presentá un alineashon ku nos propio artistanan, ya komo ku di e forma aki Mediadotcom N.V. kier duna rekonosementu na nos artistanan lokal ku ta hasiendo un bon trabou musikal tantu lokal komo internashonal. Ta e intenshon di Mediadotcom N.V. pa sigui organisá e tipo di eventonan manera esaki, den kua lo sigui promové nos artistanan lokal riba esenario.

Skol di Muzik Edgar Palm

No únikamente a skohe konsientemente pa presentá nos propio profeshonalnan lokal den un programa, pero tambe a skohe konsientemente pa tene e konsierto aki den e bunita hòfi di Sentro Kultural Kòrsou (CCC) den Emmastad, ku lo keda transformá e anochi ei. Mediadotcom N.V. ku e konsierto aki ke duna honor i rekonosementu na un instituto, ku pa aña kaba a tuma komo su responsabilidat formashon i desaroyo musikal di nos hóbennan. Awe nos por mira bèk ria tur e frutanan ku esaki a produsí.

Skol di muzik “Edgar Palm" a duna nos hopi artista i músiko yen di talento, ku awe ta rekonosé internashonalmente. Nos tin un Tania Kross, Izaline Callister, Randall Corsen, Eric Calmes, Ronchi Matheuw, Jean Jacques Rojer, djis pa menshoná algun nòmber, pa ilustrá e kalidat di artistanan ku a inisiá nan formashon musikal den e skol di muzik “Edgar Palm".

Aktualmente tin varios studiante, ku tin hopi talento i ku no tin duda, ku nan tambe lo bira un gran artista internashonal den futuro. Nos por menshoná entre otro e studiantenan ku ta integrá e grupo di Muzikantios i Vernon Chatlein ku ta studiando muzik na konservatorio na CUBA.

Ta pesei Mediadotcom N.V. ta haña di sumo importansha pa trese Sentro Kultural Kòrsou i e skol di muzik “Edgar Palm" den publisidat. Ta pesei tambe Mediadotcom N.V. lo destiná parti di e entrada di e evento komo un donashon na skol di muzik di “Edgar Palm".

“Nos ta sumamanete honrá ku DIGICEL, Licores Maduro ku Bacardi i tambe POLAR a duna nos full sosten ku e konsierto aki. No únikamente nan a mira e evento aki komo un hèrmènt mas pa promové nan servisio i produktonan, pero nan tambe ta konvensí, ku mester duna mas sosten i duna mas rekonosementu na nos artistanan lokal i na e instituto "Edgar Palm", asina Cesar Rodriguez, direktor di Mediadotcom N.V. a deklará.

Karchinan pa e konsierto “Jazz Under the Stars" ta optenibel na The Music Store i Bruna den Zuikertuinte, Albert Hein na Zeelandia, Mensing’s Caminada na Rooi Catootje i na ofisina di Sentro Kultural Kòrsou den Emmastad. Karchi ta kosta 35 florin só.